პარლამენტის შენობასთან დასრულდა "აგენტების კანონის" საწინააღმდეგო საპროტესტო აქციის ძირითადი ნაწილი. ჩიტაძის ქუჩაზე სპეცრაზმი ბოლო რამდენიმე საათის განმავლობაში იყენებდა წყლის ჭავლსა და ცრემლსადენ გაზს. პოლიცია ასევე პარლამენტის ეზოდან ქუჩის მიმართულებით იყენებდა სპეციალურ საშუალებებს, რის შემდეგაც აქციის მონაწილეებმა ბარიკადები ააგეს ხის და რკინის ჯებირებით, ასევე - ნაგვის ურნებით და ჩახერგეს პარლამენტის ერთ-ერთი შესასვლელი ჩიტაძის ქუჩიდან. მოგვიანებით აქციის მონაწილეებმა გადაინაცვლეს პარლამენტის მოპირდაპირე მხარეს, ჭიჭინაძის ქუჩაზე, სადაც ასევე სცადეს ჩაეხერგათ შენობის ჭიშკარი. სპეცრაზმმა მათ წინააღმდეგ ისევ გამოიყენა წყლის ჭავლი, რა დროსაც აქციის მონაწილეებმა რუსთაველის გამზირისკენ გადაინაცვლეს. ამის შემდეგ ჩიტაძისა და ჭიჭინაძის ქუჩები მთლიანად საპატრულო და კრიმინალური პოლიციის წარმომადგენლებმა დაიკავეს. მათ დემონსტრანტებს შესთავაზეს, აქცია პარლამენტის წინ გაეგრძელებინათ, რათა შესაძლებელი გამხდარიყო გზის სავალი ნაწილის გახსნა. მიუხედავად ამისა, აქციის მონაწილეები ამ დროისთვის [4:50] რუსთაველის გამზირზე რჩებიან. ასევე ნახეთ საქართველოს პარლამენტში უსაფრთხოების ზომები გამკაცრდა, გამოცხადებულია წითელი დონე ასევე ნახეთ თვითმხილველები: პოლიცია აქციის მონაწილეების წინააღმდეგ რეზინის ტყვიებს იყენებს რუსთაველზე აქციის დაშლა პოლიციამ მას შემდეგ დაიწყო, რაც აქციის რამდენიმე მონაწილემ პარლამენტის შენობის რკინის ჭიშკრების რყევა დაიწყო - 22:30-სთვის სამართალდამცველებს უკვე გამოყენებული ჰქონდათ სპეციალური საპოლიციო საშუალებები. თბილისში "აგენტების კანონის" საწინააღმდეგო აქციაზე მოქალაქეს თვალი დაუზიანდა - "ტვ პირველის" კადრებში ჩანს ახალგაზრდა კაცი, რომელსაც სახე თვალის გარშემო სრულად დასისხლიანებული აქვს. მან დაზიანება, სავარაუდოდ, რეზინის ტყვიით მიიღო ჩიტაძის ქუჩაზე. ასევე ნახეთ "თვალი გადარჩა, ამ ეტაპზე ოპერაცია არ სჭირდება" - ექიმი აქციაზე დაზარალებულ მოქალაქეზე პირველ მაისს პარლამენტმა პლენარულ სხდომაზე, - ქუჩებში ხანგრძლივი და მრავალათასიანი საპროტესტო დემონსტრაციების მიუხედავად, - „აგენტების კანონი“ მეორე მოსმენით მიიღო - 83 ხმით 23-ის წინააღმდეგ. ...