დღეს, 23 აპრილს სტრასბურგში ევროპარლამენტის წევრები განიხილავენ საქართველოში ხელახლა ინიციირებულ „აგენტების კანონს“. 25 აპრილს, ხუთშაბათს, ევროპარლამენტი გეგმავს, მიიღოს რეზოლუცია ამ საკითხზე. ჯერჯერობით ევროპარლამენტში „უცხოეთის აგენტების კანონზე“ მისაღები რეზოლუციის ოთხი სამუშაო ვერსია, ოთხი პროექტია წარდგენილი. საბოლოო კენჭისყრამდე ევროპარლამენტარები საერთო ტექსტზე შეთანხმდებიან. რეზოლუციის 4 პროექტი რეზოლუციის ოთხი პროექტის ავტორები, სავარაუდოდ, ხვალ, 24 აპრილს შეაჯერებენ, ზუსტად რა უნდა ჩაწერონ და რა არა რეზოლუციაში, რომლითაც საქართველოს, ასევე, ევროკომისიას, ევროკავშირსა და მის წევრ ქვეყნებს მიმართავენ. რეზოლუციის პროექტების ავტორები არიან: მწვანეები/ევროპის თავისუფლების ალიანსი (Verts/ALE) - მარკეტა გრეგოროვა, ვიოლა ფონ კრამონი და სხვები ჯგუფი „განაახლე“ - ურმას პაეტი, ფაბიო მასიმო კასტალდო და სხვები სოციალ-დემოკრატები (S&D ჯგუფი) - სვენ მიკსერი, რაფაელ გლუკსმანი და სხვები ევროპის სახალხო პარტია (EPP ჯგუფი - „ქართული ოცნების“ ყოფილი მოკავშირე პარტია) - მირიამ ლექსმანი, რასა იუკნევიჩიანე, დევიდ მაკალისტერი, ანდრიუს კუბილიუსი, სანდრა კალიენტე და სხვები. ყველაზე მკაცრი პროექტი ეკუთვნის ჯგუფს „განაახლე". საერთო მოთხოვნები რეზოლუციის ოთხივე პროექტი მოუწოდებს ევროკომისიას, შეაფასოს საქართველოს პროგრესი 9 რეკომენდაციის შესრულების გზაზე. თუკი რეზოლუციის საბოლოო ტექსტში ეს ჩანაწერი მოხვდება, შეფასება, სავარაუდოდ, 2024 წლის ოქტომბერში იქნება მზად - საქართველოში საპარლამენტო არჩევნებამდე მცირე ხნით ადრე. ოთხივე პროექტი უსვამს ხაზს სამოქალაქო საზოგადოებისა და დამოუკიდებელი მედიის მნიშვნელობას დემოკრატიულ საზოგადოებებში. ასევე, ყველა მათგანი ამახვილებს ყურადღებას, რომ ევროკავშირისკენ სწრაფვა ქართველი ხალხის მისწრაფებაა. ვინ რას ითხოვს მწვანეები/მწვანეები/ევროპის თავისუფლების ალიანსი: გმობს „თავდასხმების კამპანიას“, რომელიც მიმართულია სამოქალაქო საზოგადოების ორგანიზაციებისა და პატივსაცემი საერთაშორისო დონორების წინააღმდეგ. მოუწოდებს: საქართველოს ხელისუფლებას - არ მიიღოს კანონი; ევროკომისიას და წევრ ქვეყნებს - შეაფასონ, რა გავლენა ექნება მათ, როგორც დონორის, როლზე კანონის მიღებას და ცხადად აუხსნან შედეგები საქართველოს ხელისუფლებას; „განიხილავს, რომ ... კომისიამ მიიღოს გადაწყვეტილება სამომავლოდ კანონის მიღების შემთხვევაში ცალკეულ პირთა სანქციებთან დაკავშირებით“. ჯგუფი „განაახლე“: ძლიერად გმობს კანონპროექტს, „ქართულ ოცნებას“ მისი გაწვევისკენ მოუწოდებს; სოლიდარულია ქართველი ხალხისადმი; გამოხატავს შეშფოთებას პოლიციის მხრიდან ძალადობაზე; ახსენებს მთავრობას 9 რეკომენდაციას ამ ჯგუფის რეზოლუციის პროექტი რამდენიმე მკაცრ ნაბიჯს ითვალისწინებს: მოუწოდებს ევრო...