მოსკოვის ოლქში ხანძარია სავაჭრო ცენტრ „მეგა ხიმკის“ ტერიტორიაზე. რუსული სააგენტოები საგანგებო სიტუაციების სამინისტროს ინფორმაციაზე დაყრდნობით წერენ, რომ ცეცხლი მოდებულია 7 ათას კვადრატულ მეტრ ფართობზე. სააგენტო „ტასის“ თანახმად, ხანძარი გამოიწვია სამშენებლო მასალების გერმანული კომპანიის, OBI-ს ჰიპერმარკეტში მომხდარმა აფეთქებამ, რომლის მიზეზი ჯერჯერობით უცნობია. ჰიპერმარკეტი სავაჭრო ცენტრ „მეგა ხიმკის“ ტერიტორიაზე მდებარეობს. OBI იმ უცხოურ კომპანიებს შორისაა, რომლებმაც უკრაინაში რუსეთის შეჭრის შემდეგ უარი არ თქვეს რუსეთში საქმიანობის გაგრძელებაზე. ...