ადვოკატი ბექა ბასილაია ფეისბუკზე ეხმაურება მმართველი პარტიის განცხადებებს უკრაინაში მებრძოლი ქართველებისთვის მოქალაქეობის შეწყვეტის საფრთხეების შესახებ. ის "ქართული ოცნების" დეპუტატს, მამუკა მდინარაძეს მიმართავს და ახსენებს, რომ იყო იმ ქართველებს შორის, რომლებიც ომის დაწყების შემდეგ უკრაინის შეიარაღებულ ჯარებში ირიცხებოდნენ. მამუკა მდინარაძემ მმართველი პარტიიდან პირველად ისაუბრა იმაზე, რომ საქართველოს მოქალაქეები, რომლებიც სხვა ქვეყნის შეიარაღებულ ძალებში დაიწყებენ სამსახურს, "დაკარგავენ" საქართველოს მოქალაქეობას. ასევე ნახეთ მდინარაძე: პირი საქართველოს მოქალაქეობას კარგავს, თუ დადასტურდა, რომ ის სხვა ქვეყნის სამხედრო ძალებში ჩაირიცხა "მე ვირიცხებოდი უკრაინის შეირაღებული ძალების შემადგენლობაში და მოდით, აბა, ჩამომართვით მოქალაქეობა! ფორმალურად, ,,მოქალაქეობის შესახებ" კანონის 21-ე მუხლის მიხედვით, საქართველოს კომპეტენტური ორგანოების ნებართვის გარეშე, სხვა ქვეყნის სამხედრო სამსახურში შესვლა მოქალაქეობის დაკარგვის საფუძველი შეიძლება გახდეს. თუმცა ეს ნორმა ავტომატურად ყველა შემთხვევაზე არ ვრცელდება. აქსიომაა, რომ სამართალი ბევრად მეტს მოიცავს, ვიდრე მშრალი სამართლებრივი ნორმები. დაუშვებელია, ქართული სამართალი საქართველოს მოქალაქეს ბარიერს უქმნიდეს ჩვენი ქვეყნის მტრის წინააღმდეგ ბრძოლაში. დაუშვებელია, ქართული სამართალი საქართველოს მოქალაქეს ბარიერს უქმნიდეს ჩვენი მოძმე ქვეყნის, უკრაინის დახმარებაში. შესაბამისად, ქართველ მოხალისეთა მოქალაქეობის დაკარგვის საკითხი არც უნდა წამოჭრილიყო. უკრაინის მიწებზე საქართველოს ბედი წყდება და მასში მონაწილეობის მისაღებად ქართველ მოხალისეს თავდაცვის სამინისტროს ან სუსის ნებართვა არცერთი კანონით [არ] ჭირდება. თუმცა, ყველას კარგად გვესმის, რომ აქ საქმე იურიდიულ კაზუისტიკაში არ არის" - წერს ბექა ბასილაია და გამოთქვამს ვარაუდს, რომ თავდასხმა უკრაინაში ქართველ მებრძლებზე საქართველოს ხელისუფლებისთვის რუსეთიდან მიცემული დავალებაა იმის გათვალისწინებით, რომ "ქართული დანაყოფები მნიშვნელოვან მისიებს ასრულებენ ფრონტის ხაზზე და შიშის ზარს სცემენ რუსულ პოზიციებს." ასევე ნახეთ მამუკა მამულაშვილი: აქ ყველა კონცენტრირებულია ბრძოლაზე და არა საბუთების კეთებაზე ბასილაია ამავე სტატუსში სვამს რიტორიკულ კითხვას: "რას ფიქრობს ამ ყველაფერზე საქართველოს შეირაღებული ძალები?" მმართველი პარტიის წევრებმა უკრაინაში მებრძოლი საქართველოს მოქალაქეებისთვის მოქალაქეობის შეწყვეტის საფრთხეზე დღეს დაიწყეს ლაპარაკი - ომში წასული ქართველების ნაწილმა ეს "დაშინების მცდელობად" აღიქვა, ნაწილმა "რუსულ დავალებად." ასევე ნახეთ "ქართული ოც...